سياسة الخصوصية

نحترم خصوصيتك، وهاي الصفحة بتوضح شو المعلومات اللي بناخدها منك وكيف بنستخدمها.

المعلومات اللي بنجمعها
• الاسم ورقم الهاتف والمدينة والعنوان: عشان نجهّز طلبك ونوصّله.
• الإيميل (اختياري): بس عشان نبعتلك رابط تغيير كلمة المرور إذا نسيتها.
• الملفات والتصاميم اللي بترفعها: بنستخدمها بس لطباعة طلبك.
• رسائل المحادثة: عشان نرد عليك ونتابع طلبك.

كيف بنستخدمها
• تجهيز الطلب والتواصل معك بخصوصه وتوصيله.
• ما بنبيع معلوماتك ولا بنشاركها مع أي جهة، إلا شركة التوصيل بالقدر اللازم لتوصيل الطلب (الاسم والهاتف والعنوان).
• ما بننشر تصميمك أو صور طلبك الخاص بدون إذنك.

الدفع
• الدفع عند الاستلام، وما بنطلب منك أي معلومات بطاقة بنكية على الموقع.

حذف المعلومات
• بتقدر تطلب حذف حسابك أو ملفاتك بأي وقت عن طريق التواصل معنا، وبنحذفها بعد ما يخلص أي طلب مفتوح إلك.

إذا عندك أي سؤال عن خصوصيتك، تواصل معنا وبنرد عليك.